Павел Дуров Луврдан уурдалган зер буюмдарын кайра сатып алууга даяр экенин билдирди
Ал зер буюмдарын Абу-Дабидеги музейге тартуулоо ниетинде.
Telegramдын негиздөөчүсү Павел Дуров Луврдан уурдалган зер буюмдарды кайра сатып алып, Абу-Дабидеги музейге берүүгө даяр экенин билдирди. Бул тууралуу ишкер X социалдык тармакка жарыялады.
Дуров бул окуя аны таң калтырбай турганын белгиледи. Анын айтымында, Франция төмөндөп баратат жана бийликтер «чыныгы көйгөйлөрдү чечүүнүн ордуна ойдон чыгарылган коркунучтарды» жаратууга басым жасап жатышат.
Колдонуучунун анын уурулукка катыштыгы бар деген тамашасына жооп кылып, ишкер уурдалган зер буюмдарды сатып алууга даяр экенин, бирок аны Париждеги Луврга кайтарып берүү ниети жок экенин билдирген. Дуров мындай учурда зер буюмдарын Абу-Дабидеги Луврга тартуулай турганын, ал жерде «эч ким уурдабайт» деп баса белгиледи.
Тоноо 19-октябрдын таңында болгон. Музейге уурулар кирип, 1855-жылы императрица Евгений үчүн жасалган атактуу бриллиант жана изумруд менен кооздолгон тиараны уурдап кетишкен. Бир нече эң чоң таштары жок сынган таажы кийинчерээк музейдин жанынан ташталган бойдон табылган.
