Эми жумушту үйдө отуруп эле тапсаңыз болот

Эми жумушту онлайн издөөгө болот. Бул тууралуу Эмгек жана социалдык өнүгүү министрлигинин басма сөз кызматы билдирди.

Маалыматка ылайык, Кыргыз Республикасынын Эмгек жана социалдык өнүгүү министрлиги 2020-жылдын 27-июлунан тартып, иш менен камсыз кылууга көмөктөшүү кызматына каттоого турууга каалаган жарандар, үйүнөн чыкпай онлайн режиминде каттала алат.

Өтүнмөнү тапшыруу үчүн сиз http://zanyatost.kg/ дарегине киришиңиз керек.

Байланышуу үчүн бул жерде бардык иш менен камсыз кылууга көмөктөшүү аймактык бөлүмдөрдүн (даректери, телефон номерлери, электрондук почталары) көрсөтүлгөн.