Коом
Бул жумада кыргызстандыктар кошумча бир күн эс алат
Апрель элдик ыңкылабына байланыштуу келе жаткан шаршемби, 7-апрель, кошумча эс алуу күнү катары белгиленет.
Өкмөт бир катар учурлардай кылып, бул ирет эс алуу күндөрүн майнаптуу колдонуу максатында катары менен коюп жылдырган жок. Эми биринин артынан бири келген кызыл даталар май айында болот. Кыргызстандыктар Конституция күнү, Жеңиш майрамы жана Орозо айттын эсебинен үч күн кошумча эс алат.
