Транспорт министри Баткен облусундагы жол курулуш иштерин ыкчамдатууну суранды

2021-жылдын 11-июнунда Кыргыз Республикасынын транспорт жана коммуниациялар министр Г.Абдралиеванын Баткен облусу боюнча жумушчу сапары уланууда. Бул тууралуу аталган министрликтин басма-сөз кызматы билдирди.

Бүгүн министр Кулунду-Максат-Арка,  Самаркандек-Мадыген-Дархун жолдорунун курулушу менен таанышты.

Максат айылынын Кулунду-Максат-Арка жолунун курулушу менен таанышып жатып,  асфальт тѳшѳп жатканда асфальттын түз куюлушун жана жолду бойлой тратуар курулушун эске алуууну ѳтүндү. Ошондой эле министр Самаркандек-Мадыген-Дархун жолунун курулуш иштери менен таанышты жана тиешелүү кызматтарга жумушту ыкчамдатууну суранды.

Министрди тиешелүү кызматтардын жетекчилери Ж.Содомбаев жана А.  Усенов  коштоп жүрүүдѳ.