Президент Садыр Жапаров кечээ, 6-майда Баткен облусуна иш сапары менен барып келди.
Мамлекет башчысы Тажикстан менен болгон куралдуу жаңжалда жабыркаган Максат, Кулунду жана Орто-Боз айылдарынын тургундары менен жолугушту.
Анын жүрүшүндө баткендиктерге жакындарынан айрылып, үйү жана соода объектилери талкаланган жарандарга жардам берүү боюнча мамлекет тарабынан көрүлүп жаткан чаралар жөнүндө айтып берди.
Ошондой эле Лейлек районундагы аскер шаарчасынын пайдубалын түптөөгө капсула салды жана «Бүжүм» аскер полигонуна барды.
