Коронавирус. 1334 адамдан аныкталып, дагы 11 бейтап каза тапты

Бир сутка ичинде 1 334 адамдан коронавирус аныкталып, 1 163 киши айыкты. Бул тууралуу Республикалык штаб билдирди.

Аймактар боюнча алганда жуктургандар:

• Бишкек – 702;
• Ош шаары – 47;
• Чүй облусу – 228;
• Ош облусу – 67;
• Талас облусу – 20;
• Нарын облусу – 24;
• Ысык-Көл облусу – 49;
• Жалал-Абад облусу – 79;
• Баткен облусу – 118.

Кыргызстанда жалпысынан коронавирус 146 292 кишиден табылып, 122 923 адам илдетти жеңди.

Кечээтен бери коронавирус 11 адамдын өмүрүн алган. Өлүм учурунун алтоо Бишкекте катталса, Таласта эки киши, Жалал-Абадда бир, Ысык-Көлдө бир, Чүйдө бир бейтап каза тапкан. Буларды кошкондо пандемия башталгандан бери Кыргызстанда 2 154 киши коронавирустун курмандыгы болду.

Бүгүнкү күндө стационарда 4 863 адам коронавирустан дарыланып жатат. Анын ичинен 216 бейтаптын абалы өтө оор деп бааланды. Кечээтен бери 33 медиктин коронавирус жуктуруп алганы аныкталган.