Ата-мекендик спортчулар Орусиянын Краснодар аймагындагы Геленджик шаарында өткөн пауэрлифтинг (оор көтөрүү) боюнча Европа чемпиондору кубогунда 11 алтын, 1 күмүш медаль жеңип алышты. Бул тууралуу жаштар иштери, дене-тарбия жана спорт боюнча мамлекеттик агенттиктен билдиришти.
Маалыматка ылайык аталган спорт түрү боюнча мелдешке 5 адамдан түзүлгөн улуттук курама команда катышкан. Алар Александр Ким, Азимжан Кадыров, Эрназар Асанов, Дмитрий Дорошенко жана Гүлжана Нурланова.
Кыргыз балбандары пауэрлифтингдин жаткан абалда оордук көтөрүү, белге чейин көтөрүү сыяктуу бир канча түрүнөн байгелүү орундарды камсыздашкан.
