Портерди сүзгөн. Кара-Сууда жол кырсыгынан 2 адам көз жумду

Ош облусунун Кара-Суу районунда жол кырсыгы катталып, эки киши каза тапты. Бул тууралуу Жол коопсуздугун камсыздоо башкармалыгынан маалымдашты.

«19-июнь күнү Кара-Суу районунун Лангар айылында түндүктөн түштүк багытты карай бараткан Форд Фокус үлгүсүндөгү унаанын айдоочусу рулду башкара албай каршы тилкеге чыгып, Портерди сүзгөн. Жол кырсыгынан Портер үлгүсүндөгү унаанын айдоочусу жана бир жаран көз жумган. Андан сырткары 4 жаран ооруканага ар кандай жаракаттар менен жаткырылган», — деп билдиришти басма сөз кызматынан.