Бишкекте 39 жаштагы кишинин жансыз денеси өрттөнгөн үйдөн табылды

Кечээ, 14-февраль күнү Свердлов районунун Дачная көчөсүндө жайгашкан турак үйдөн өрт чыккан. Бул тууралуу ӨКМден билдиришти.

Жерине 2 өрт өчүрүүчү эсеп жана штаб тартылган. Өрттүн кесепетинен турак үйдүн ичинде өрт өчүрүүчүлөр тарабынан 1983-жылы туулган эркек кишинин күйүп калган жансыз денеси табылып, милиция кызматкерлерине өткөрүп берилген. Жалпы турак үйдүн үч бөлмөсү жана үй буюмдары күйгөн. Өрттүн себеби учурда такталууда.