Кыргызстанда дыйкандарга дизель майы арзандатылган баада сатылууда

Кыргызстанда дыйкан-фермерлерге 3 млн литр дизель отуну жеңилдетилген баада сатылууда. Бул тууралуу Айыл чарба министрлигинен билдиришти.

Маалыматка ылайык, дизель отунун үзгүлтүксүз жеткирүүнү камсыз кылуу максатында Мамлекеттик материалдык резервдер фонду менен «Red Petroleum» компаниясынын ортосунда түзүлгөн келишимдин негизинде дыйкан-фермерлерге дизель отуну базар баасынан төмөн — 65 сомдон сатылууда.