Ырчы Кыздаркан Келдибекова жүрөк оорудан улам көз жумду

Ырчы, Маданияттын мыкты кызматкери Кыздаркан Келдибекова көз жумду. Бул тууралуу ырчы  Самара Сабирова социалдык тармакка жазды.

Маалыматка караганда, ырчы айымга 1 жыл мурда жүрөгүнө операция жасалган, ошондон улам абалы начарлап кеткен. «Инсульт болду окшойт. 3 күн комада жатты. Жаркылдагыбыздан айрылып калдык», — деди ал ыйлап.

Кыздаркан Келдибекова 1986-жылы Ош облусунун Өзгөн районундагы Жылалды айылында төрөлгөн. Ал элге «Ак тилек» «Телефон чалып тур», «Ойлодуң бекен?», «Сүйүү жазы» жана башка ырлары менен таанылган.