Бишкекте сабалган дарыгер. Жабыркагандар арыз жазуудан баш тартышты

Кечээ социалдык тармактарда «дарыгерди укук коргоо органдарынын кызматкери сабады» деген видео тараган. 

Бул тууралуу Бишкек ШИИБ маалымат таратып, видеодогу жарандар милиция кызматкерлери эмес экенин маалымдаган.

Биринчи Май РИИБ маалымат таратып, жаңжалга катышкан бардык жарандар аныкталганын билдирди. «Окуяны териштирүү учурунда тараптар бири-бирине доосу жок экенин билдирип, арыз жазуудан баш тартышты»,— деп айтылат маалыматта.