Кытайдын Гуйлинь технологиялык университетине конкурстук кабыл алуу башталды
Кыргызстан жарандарын Кытайдын Гуйлинь технологиялык университетине (Guilin University of Technology) 2026/2027-окуу жылына окууга тандоо боюнча конкурстук кабыл алуу башталды.
Илим, жогорку билим берүү жана инновациялар министрлигинин маалыматына ылайык, конкурс 7 стипендиялык орунга жүргүзүлөт, анын ичинен: 2 орун — бакалавриат программалары үчүн; 5 орун — магистратура программалары үчүн.
Документтерди кабыл алуу 2026-жылдын 3-июлунан 8-июлуна чейин жүргүзүлөт.
Конкурска катышуу үчүн талапкерлер Илим министрлигинин маалыматтык системасы аркылуу каттоодон өтүп, документтердин толук пакетин электрондук түрдө жүктөшү керек.Талапкерлер кабыл алуучу университеттин талаптарына жооп берген жана белгиленген мөөнөттө толук документ тапшырган Кыргыз Республикасынын жарандары гана катыша алышат.
