Диетолог боорго пайдалуу жана арзан жашылчаны атады

Нутрициолог жана балдардын тамактануусу боюнча адис Елена Милаева боорго пайдалуу, ошол эле учурда арзан жашылчаны атады. Бул тууралуу адис aif.ru басылмасына берген маегинде билдирди.

Адистин айтымында, ден соолук үчүн, анын ичинде боордун иштеши үчүн да кызылча пайдалуу. Анын курамында фолий кислотасы, калий, марганец, кальций, магний, натрий, фосфор, жез, цинк, темир жана башка минералдар, ошондой эле С, А, К, Е жана В тобундагы витаминдер бар.

Мындан тышкары, кызылчанын курамында боор үчүн пайдалуу бетаин заты бар. Милаеванын түшүндүрмөсүнө караганда, ал боорго майларды иштетүүгө жардам берип, организмден токсиндердин чыгарылышын тездетет. Ошондуктан кызылча көп дары-дармек колдонгон же майлуу, оор тамактарды көп жеген адамдар үчүн пайдалуу болушу мүмкүн.

Адис кызылчанын жүрөк-кан тамыр системасына жакшы таасир этүүчү заттарды жана тамак сиңирүү үчүн зарыл болгон клетчатканы да камтый турганын белгиледи.

Кызылчанын пайдасын алуу үчүн күнүнө орточо көлөмдөгү бир даана тамыр жемиш жеп коюу жетиштүү. Ошол эле учурда аллергиясы же бөйрөк оорулары бар адамдар кызылчаны рационуна кошуудан мурун дарыгер менен кеңешиши керек.

Ал эми кант диабети жана ичтин көөп кетишине жакын адамдарга адис кызылчаны чийки түрүндө жебөөнү сунуштады.