«75 кишинин каты». Прокуратура айыпталуучуларды 9 жылга эркинен ажыратууну суранды

Бишкек шаардык сотунда «75 кишинин каты» иши боюнча апелляциялык арыздарды кароо уланууда. Анда Бекболот Талгарбеков жана Курсан Асанов сөз сүйлөштү.

Бийликти күч менен басып алууга даярданган деп айыпталган иштин бардык фигуранттарына мамлекеттик айыптоо тарабы тогуз жылдан эркинен ажыратууну сурады. Бул тууралуу айыпталуучулардын бири Курсана Асановдун жактоочусу Чынара Жакыпбекова билдирди.

Белгилей кетсек, Бишкек шаардык соту бийликти басып алуу иши боюнча апелляцияны карап жатат.