Бишкекке 5 жарым тоннага чукул зарыл дары-дармектер самолет менен алып келинди

Беларуссиядан Бишкекке  дары-дармектер алынып келинди. Бул тууралуу республикалык штабдан билдиришти.  

Бир аз мурдараак, өкмөттүн пресс-кызматы Белоруссиядан Бишкекке коронавирус инфекциясына каршы 5,4 тонна дары-дармектер алынып келет, деп маалымдаган болчу. Бул жүктү КР премьер-министри Кубатбек Боронов Евразия экономикалык союзунун кезектеги Өкмөтаралык жыйынына катышуу үчүн учуп барган самолетко жүктөшкөн.

«Ушундай жол менен КР өкмөтү атамекендик   фармацевтикалык компанияларга дары-дармекти ташып жеткирүү жагынан көмөк көрсөттү. Бул дары-дармектер эл  сатып ала ала турган баада берилет», — деп белгилешти өкмөттө.