Адистер: Үйдөн сырткаары тамактануу, коронавирус жуктуруу коркунучун эки эсе көбөйтөт
Кийинки илимий изилдөөлөрдүн тыянагы боюнча, үйдөн сырткаары тамактануу коронавирус жуктуруу коркунучун эки эсе көбөйтөт. Бул тууралуу 14-сентябрда «Московский комсомолец» жазып чыкты.
Ал эми калган баардык учурда, маселен, соода кылуу, имараттын ичинде коомчулук менен жолугушуу, офиске, сулуулук салонуна, же спортзалга баруу, коомдук унааны пайдалануу, диний иш чараларга катышуу — илдетти жуктуруу жагынан бирдей эле деңгээлде турушат.
«Тамак жеп жатканда, же бир нерсе ичкенде беткапты натыйжалуу пайдалануу мүмкүн эмес. А соода кылуу жана имараттарда өтүүчү көптөгөн башка иштер беткапты пайдаланууга тоскоол болушпайт», — деп билдиришти, изилдөөчүлөр, АКШнын Борборундагы кеселдөө жана кайтыш болуу жагын көзөмөлдөө, ооруларды алдын алуу боюнча берилген жумалык отчетто.
