Асел Кадырбекова: Бир нерсени түшүндүм, жашоо ушунчалык кыска, эртең жок болуп калышыбыз мүмкүн…

Жайында жол кырсыгынан катуу жабыркаган эстрада ырчысы Асел Кадырбекова кырсыктан кийин жашоодо көп нерселереге көз карашы өзгөргөнүн айтат. Бул тууралуу ал Инстаграмм баракчасына жазып калтырды.

“Мен жашоомду мурунку жана кийинки деп бөлө алам. Бул жагдай мени өзүмө алып келгендей болду. Мурунку Асел азыр жок. Көп нерселерге көз карашым өзгөрдү. Көбүрөөк жардам берип, эми өзүмдү таарынтканга жол бербейм. Жашоо ушунчалык кыска… Бир нерсени түшүндүм. Эртең биз жок болуп калышыбыз мүмкүн. Өзүмдүн артымдан из калтыргым келет”,- дейт ал.