Коронавирус. Ооруканада дарыланып жаткан 111 адамдын абалы өтө оор, 5 киши каза тапты

Өткөн суткада өлкөдө 436 кишиден коронавирус аныкталып, ошол эле маалда  беш адам акка моюн сунду. Бул тууралуу Республикалык штабдан кабарлашты.

Жуктургандар:

• Бишкек шаары – 112;
• Ош шаары – 32;
• Чүй облусу – 18;
• Ош облусу – 27;
• Талас облусу – 15;
• Нарын облусу – 3;
• Ысык-Көл облусу – 41;
• Жалал-Абад облусу – 108;
• Баткен облусу – 80.

Өлкө боюнча коронавирус инфекциясын жуктурган 3 441 бейтап ооруканада дарыланууда.  Стационарда жаткандардын 49у канааттандырарлык, 2 325и орточо, 956сы оор абалда. Ал эми 111 киши өтө оор абалда жатат.

Каза болгондор:

• Бишкек – 3;
• Баткен облусу – 1;
• Талас облусу – 1

Пандемия башталгандан бери өлкөдө 1 155 адам коронавирусту жеңе албай, өмүр менен кош айтышкан.

Жуктургандардын саны Кыргызстанда 59 879га жетсе, анын ичинен 50 741и ооруну жеңди.