Дин комиссиясы “Мамлекет жана дин” аталышында тегерек стол өткөрдү

Бул тууралуу Дин комиссиясынын Басма сөз кызматынан билдиришти.

Маалыматта айтылгандай, Кыргыз Республикасынын Дин иштери боюнча мамлекеттик комиссиясы Чүй облусунун Аламүдүн районунда 2021-2026-жылдарга Кыргыз Республикасынын диний чөйрөдөгү мамлекеттик саясатынын Концепциясын ишке ашыруу максатында жергиликтүү бийлик өкүлдөрүнө, аксакалдар кеңешине жана дин кызматкерлерине “ Мамлекет жана дин” аталышында тегерек стол уюштурду.

Катышуучуларга диний чөйрөдөгү мамлекеттик саясат, радикализмдин алдын алуу, ошондой эле диний чөйрөдөгү жаралган көйгөйлөрдүн чечүү жолдорун, коомчулукка маалыматтарды объективдүү жана туура жайылтуу боюнча талкуу жүрүп, баяндамалар жасалды.