Өкмөт башчы Кыргызстанда “Мир”карталарын тейлөөнүн токтотулушу боюнча түшүндүрмө берди
▪️ “Элкарт” төлөм системасынын операторунун камсыздоо программасын Латвиядагы компания тейлейт. Ал эгер “Мир” менен иш токтобосо, Банктар аралык процессинг борборун өчүрө турганын эскерткен
▪️ Акылбек Жапаров жакында Вашингтонго барып, батыштагы өнөктөштөргө КР менен РФ бирдиктүү экономикалык алкакта экенин, мигранттар жылына 2,5 млрд доллар которорун түшүндүрүүгө аракет кылат
▪️ Кыргызстан Россия менен соода, экономикалык мамилесин токтото албайт. Санкцияга кабылган компаниялар өлкөнүн акча-насыялык системасына коркунуч туудурат
▪️ Өлкө банктары өз ара иштешип жатат. Мигранттардын которгон акчаларынын 70-80%ы “Сбер” аркылуу өтөт
▪️ Бийлик жагдайдан чыгуунун жолдорун издеп, иштеп жатат
“Бул согуш биздики эмес, бирок эмнеси болсо да улуттук кызыкчылык корголот. Экономикабызды коргоо үчүн болгон күчүбүздү жумшайбыз”, — деди өкмөт башчы.
