Ысык-Көлдө милиция кызматкерлери “Ямайка” пансионатынын көлүндө буукананы аныкташты
29-июль күнү рейд учурунда Ысык-Көл облусунун ички иштер башкармалыгынын туристтик-экологиялык милиция кызматкерлери Ысык-Көл районунун Сары-Ой айылында жайгашкан «Ямайка» пансионатынын көл жээгинен буукана орнотулганын аныкташкан.
Аталган факт Ысык-Көл РИИБдин маалымат электрондук журналына катталып, учурда тергөө кызматы тарабынан Кыргыз Республикасынын мыйзамдарынын негизинде чечим кабыл алуу үчүн териштирүү иштери жүргүзүлүүдө.
Белгилеп кетсек, Кыргыз Республикасынын Өкмөтүнүн 2016-жылдын 11-апрелиндеги №201 «Коомдук саламаттык сактоо жаатындагы актыларды бекитүү жөнүндө» токтому менен бекитилген калктын эс алуу жана ден соолугун чыңдоо уюмдарына карата санитардык-эпидемиологиялык талаптарга ылайык жээктеги пляждык зонанын аймагында сууда буукана тургузууга тыюу салынат.
