Бишкекте жолдорду оңдоо иштери уланууда

Бишкек шаарында жолдорду капиталдык оңдоо иштери уланууда.

Муниципалитеттен билдиришкендей, эртең, 10-августта Горький көчөсүнүн Кунанбаев көчөсүнөн Байтик баатыр көчөсүнө чейинки бөлүгүн унаа кыймылы үчүн жабуу пландалууда.

Ал эми 11-августта Юнусалиев көчөсүнүн Сүйөркулов көчөсүнөн Ахунбаев көчөсүнө чейинки бөлүгү жабылат.

Бишкек мэриясы жарандарга тыгындарды болтурбоо үчүн каттамды алдын ала пландап алууну сунуштайт.