Өзгөчө кырдаалдар министрлиги үч тик учак, 700 техника менен толукталды

Өзгөчө кырдаалдар министрлиги үч тик учак, 700 техника менен толукталды. Бул тууралуу мекеменин басма сөз кызматы билдирди.

Республикалык бюджеттин эсебинен:

• Airbus H-125, H-145 үлгүсүндөгү тик учактар;
• 20 автобус, 20дан ашуун оор жана жүк ташуучу унаалар, 10дон көп жол тандабас унаа;
• 58 өрт өчүрүүчү унаа Дүйнөлүк банк аркылуу жаңыланды.

Ал эми гранттык негизде:

• Кытайдан 100 өрт өчүрүүчү жана 38 унаадан турган эки мобилдүү госпиталь;
•  Россиядан 40 өрт өчүрүүчү унаа, бир Ми-8 МТВ үлгүсүндөгү көп максаттуу тик учак;
• Түркиядан бир катер алынган.

Ошондой эле Түштүк Корея, БУУнун Бүткүл дүйнөлүк азык-түлүк программасы жана башка ушул сыяктуу уюмдардан куткаруучу, жүк ташуучу жана жеңил унаалар келген.