Эми ооруп калган кызматкер убактылуу эмгекке жарамсыз баракчасын электрондук түрдө алса болорун Саламаттык сактоо министрлиги билдирет

Бул үчүн portal.tunduk.kg порталына, же Tunduk мобилдик тиркемесине кирип, андан соң “Ден соолук” бөлүмүнө өтүп, “Убактылуу эмгекке жарамсыздык баракчасы” бөлүмүн тандоо керек. Бул документ  дарыгердин кадимки эле кагаз түрүндө жазып берген справкасы болуп саналат. Бирок азырынча мунун баары тесттик режимде иштеп жатат.  

Ошондой эле адамдын жеке маалыматтары «Бейтаптын санариптик амбулатордук картасында» купуя сакталат. Электрондук баракчада кызматкердин диагнозу берилбейт, болгону документ эмне себептен (оору, кош бойлуулук жана төрөт, карантин, жаракат алуу жана кырсык) берилгени көрсөтүлөт.