Бүгүн Бишкектеги айрым үйлөргө жылуулук азыраак берилет

Бүгүн авариялык оңдоо иштеринен улам Бишкектеги айрым үйлөргө жылуулук азыраак берилет. Бул тууралуу «Бишкек жылуулук түйүнү» ишканасы кабарлады.

Билдирмеге караганда, оңдоо иштери саат 9:00дөн 18:00гө чейин уланмакчы.

«Ордо калаадагы Буденный, Гражданский, Гоголь, Сыдыков, Сүйүмбаев, Төрөкул Айтматов жана Чүй проспекти менен чектешкен райондордогу үйлөргө жылуулук адаттагыдан азыраак берилет. Ал эми ысык суу үзгүлтүккө учурабайт», — деп айтылат маалыматта.

Ысык суу жана жылуулук боюнча шаардыктарда суроо жаралса ишкананын кардарларды колдоо кызматынын 1980 жана (0312) 61-11-69 телефондоруна чалса болору айтылды.