Таласта 1-топтогу майып кыз зордукталганы айтылды
Бакай-Ата районунун Үйүр-Марал айылынын 1985-жылы туулган тургуну милицияга арызы менен кайрылып, 18-апрелде саат 18:30 чамасында үйүнөн, 1-топтогу майып карындашы 1992-жылы туулган кыздын алсыз абалынан пайдаланып зордуктап кеткендиги тууралуу айткан. Бул тууралуу Талас ОИИБден билдиришти.
Аталган билдирүү 21-апрелинде Бакай-Ата РИИБдин маалыматтардын электрондук журналына катталып, Бакай-Ата РИИБдин жетекчилиги жана тергөө-ыкчам тобу тарабынан текшерүү жүргүзүлгөн. Текшерүү учурунда шектүү катары Үйүр-Марал айылынын тургуну 1980-жылы туулган жаран аныкталып, Бакай-Ата РИИБге жеткирилип, зордуктабаганын айткан.
Жабырлануучу соттук-медициналык экспертизадан өткөрүлгөн. Анын жыйынтыгы денесинде күч колдонулган жаракат белгилери жоктугун көрсөткөн. Шектүү Жазык кодексинин 154-беренеси менен айыпталып, Талас ОИИБдин убактылуу кармоочу жайына камакка алынган.
