Бишкектеги Россия элчилигинин имаратынан бомба табылган жок

Россиянын Кыргызстандагы элчилигинин имаратынан бомба табылган жок. Бул туурасында Бишкек шаардык милициясы кабарлады.

Билдирүүгө ылайык, бүгүн саат 10:45те 102 кызматына элчиликтин аймагына бомба коюлганы тууралуу маалымат түшкөн.

Жерине ыкчам-тергөө тобу, сапёр жана кинологдор барган. Жүргүзүлгөн издөө иштеринин натыйжасында кандайдыр бир жарылуучу зат табылган эмес.

Аталган факт каттоого алынган. Милиция кенен маалыматты кийинчерээк берүүнү убадалды.