Ош шаарынын мэри Алмаз Мамбетовго карата төрт кылмыш иши тергелүүдө.
Маалыматка караганда, иштер Кылмыш-жаза кодексинин 337-беренеси «Кызматтык абалынан кыянаттык менен пайдалануу» боюнча Алмаз Мамбетов Балыкчы шаарынын мэри болуп турган мезгилде козголгонун айтышты. Кылмыш иши боюнча мэрден тышкары мэриянын башка кызматкерлери да айыпталууда.
Алмаз Мамбетов 2016-2019-жылдары Балыкчы шаарынын мэри болуп иштеген.
