Ысык-Көл районунун милициясынын жетекчиси мектеп парламенти менен жолукту. ВИДЕО

Ысык-Көл районунун ички иштер бөлүмүнүн кызматкерлери, тейленүүчү аймакта жайгашкан мектептерге үзгүлтүксүз барып, жаштар менен алдын алуу сүйлөшүүлөрүн гана жүргүзбөстөн, окуучулар арасында кесипке багыт берүү иштерин да жүргүзүшүп келишет. Бул салтты улантып, райондук милициянын башчысы Жумгалбек Абиев жана анын орун басары Жеңиш Абыканов Мамытов атындагы лицей мектебинин парламентинин өкүлдөрүнө өздөрүнүн иш ордунда жолугушууну уюштурушту.

Жолугушуунун жүрүшүндө милиция кызматкерлери бөлүм боюнча чакан экскурсия уюштуруп, кылмыштардын бетин ачуу жана аны тергөө, ошондой эле укук бузуулардын алдын алуу боюнча өз ишмердүүлүгүн жүргүзүп жаткан кызматтардын ишин көрсөтүштү. Андан соң балдар райондук милиция жетекчилигинин кызматтык кабинеттеринде да болушту.

Ысык-Көл РИИБдин башчысы Жумгалбек Абиев чакан чай кечесинде окуучуларга ИИМдин Академиясына тапшыруу тартибин, окутуунун артыкчылыктарын жана окуу процессинин өзгөчөлүктөрүн кеңири түшүндүрүп берди. Балдардын суроолоруна жооп берип жатып, ал ички иштер органдарына кызматка кирүү тартиби, иштин өзгөчөлүктөрү, тийиштүү кызматтарынын өзгөчөлүктөрү жөнүндө айтып берди жана балдарга милиционерлер аткарып жаткан милдеттер жөнүндө маалымат берди. Мындан тышкары, тартип сакчысынын кесибин тандоо тууралуу өз окуясы менен бөлүштү.

Маекти улантып жатып, райондук милиция башчысы балдар менен коомдук жайлардагы коопсуз жүрүм-турум эрежелери тууралуу сүйлөштү, ошондой эле аларга кылмыш жана укук бузуу үчүн жоопкерчиликти эскертти.

Өз кезегинде балдар жолугушуунун уюштуруучусуна аларды кызыктырган суроолорду беришти, кимдир бирөө жогорку окуу жайларына тапшырууга байланыштуу өз ойлорун айтып беришсе, кээ бири милициянын кызматына байланыштуу өз пикирлери менен бөлүштү.

Жолугушуунун соңунда Жумгалбек Абиев жогорку класстын окуучуларына ийгилик каалап, ыраазычылык каттарын тапшырды.