Аялдарга мини-юбка, кыска чачты ойлоп тапкан модельер Мэри Куант 93 жашында каза болду

Мини-юбканын негиздөөчүсү, легендарлуу британ дизайнери Мэри Куант Англиянын түштүгүндөгү Суррейдеги үйүндө 93 жашында каза болду. Бул тууралуу дүйнөлүк ЖМКлар жарыялашты. 

Жаштар стилинин пионери деп эсептелген Квант өзүнүн тайманбас, авангарддык мамилеси менен мода индустриясында өчпөс из калтырып, белгиленген нормаларды четке кагып, аялдардын модасынын жаңы доорун жар салган. Ал модага кыска юбкадан тышкары тар, түстүү шымдарды, замша кийимдерди, платформалык бут кийимдерди, жөнөкөй кыска чачтарды алып келген.