Лицензия албай эле бала бакча ачууга уруксат берилиши мүмкүн

Депутат Жанар Акаев демилгелеген мыйзамдын долбоору ЖКда биринчи окуудан өттү.

«Кыргызстанда балдардын 76 пайызы бала бакчага барбайт. Бул маселени коңшу Казакстан менен Өзбекстан лицензияны жокко чыгаруу менен чечти. Бул мыйзам долбооруна дагы ошондой норма кирди. Ким бала бакча иштетем десе Өрт өчүрүү кызматына жана Санитардык көзөмөлгө кабарлоо берет, анан Билим берүү министрлиги аркылуу мамлекеттик стандарт сакталат«, — деди депутат. 

Учурда бала бакча ачуу үчүн 14 жерден документ чогултуу талап кылынат.