Ысык-Көлдөгү «Жомок» каньону жана Туздуу көл муниципалдык башкарууга өтүп, кирешеси артты

​Ысык-Көл облусунун Тоң районундагы «Жомок» каньону быйылкы жылдын 9 айында жергиликтүү бюджетке 7,5 млн сом киреше алып келди.

Былтыр аймак жеке ижарадан айыл өкмөтүнүн карамагына кайтарылгандан кийин бюджетке түшкөн каражат байкаларлык өстү (2025-жылы 5,5 млн сом болгон). Учурда туристтерге шарт түзүү үчүн 36 млн сомдук оңдоп-түзөө иштери жүрүүдө.
​Ошондой эле райондогу Туздуу көлдүн инфраструктурасы да жаңыланууда:
​Демөөрчүлөрдүн эсебинен 17 млн сомдук долбоор ишке ашырылып, 4,5 чакырымдан электр линиясы тартылды.
​Скважина казылып, таза суу чыгарылды жана заманбап санитардык жайлар курулду.
​Жергиликтүү бийлик туристтик жайлардагы шарттарды жакшыртуу менен аймактын бюджетин чыңдоону максат кылууда.