Кыргыз экспорт: Ата мекендик ишканалар Европа рыногуна чыгууга даярданууда

Кыргыз экспорт: Ата мекендик ишканалар Европа рыногуна чыгууга даярданууда.

​«Кыргыз экспорт» борборунун директору Урмат Такиров ата мекендик ишканаларды тышкы рынокко чыгаруу боюнча иштер уланып жатканын билдирди. Учурда бир катар компаниялар Европа аймагында талап кылынган OEKO-TEX эл аралык сертификатын алууга даярданып, санариптик аянтчаларын ишке киргизүүдө.
​Экспортчуларды колдоо алкагында 2027-жылдан тарта мамлекеттик жардамдын жаңы эки механизми киргизилет:
​Жеңилдетилген насыялоо: Экспорттук келишимдердин негизинде Мамлекеттик өнүктүрүү банкы аркылуу каржылоо бөлүнөт.
​Чыгымдарды кайтаруу: Ишканалардын эл аралык сертификаттарды алууга жана продукцияны чет өлкөлүк лабораториялардан сыноодон өткөрүүгө кетирген каражатынын бир бөлүгү компенсацияланат.
​Урмат Такиров сертификаттоо чыгымдары чакан бизнес үчүн оордукту жаратканы менен, бул кадам продукциянын баасын жогорулатууга жана жаңы чет элдик рынокторду багынтууга өбөлгө түзөрүн белгиледи.