Бишкекте эркек киши суусу жок каналга түшүп кетип, бутуна туралбай калган

Бишкектеги Октябрь районунда Ахунбаев менен Мавлянов көчөлөрүнүн кесилишинен Аламүдүн каналына 1983-жылы туулган эркек киши түшүп кетип, бутуна тура албай калган. Бул тууралуу ӨКМден билдиришти.

Маалыматка караганда, каналда суу болгон эмес. Жерине 5 куткаруучу тартылып, аталган кишини каналдан чыгарып, Тез жардам кызматына өткөрүп беришкен.