Кыргызстандык таксистке кол көтөргөн россиялык бизнесменге карата Россияда кылмыш иши козголду

Бүгүн Кыргызстандын ИИМинин Россиядагы өкүлчүлүгү Москвадагы полиция бөлүмүндө таксисттин арызын каттоого алдырган. Кыргызстандын жараны жабырлануучу катары таанылды.  

“Бул факты боюнча РФтин Кылмыш-жаза кодексинин “Сабоо” беренеси боюнча кылмыш иши козголду. Соттук-медициналык экспертиза дайындалып, тергөө башталды”, — деп билдирди КР ИИМи.