Айдоочуларга эскертүү! Боомдо таштарды атайылап түшүрүү иштери жүргүзүлөт

Боом капчыгайында 7, 8, 10, 11-май күндөрү таштарды атайылап түшүрүү иштери жүргүзүлөт. Бул тууралуу «Кыргыз темир жолу» мамлекеттик ишканасынан билдиришти.

Таш түшүрүү иштери Бишкек– Нарын –Торугарт унаа жолунун 132-чакырымында (темир жолдун 3902-чакырымында) жүргүзүлмөкчү.

Буга байланыштуу Жол кыймылынын коопсуздугун камсыздоо башкы башкармалыгынын кызматкерлери саат 9:00дөн 15:00гө чейин жолду маал-маалы менен жаап турат. Маалыматта жолду тазалоо учурунда унаалар бир тилкеге багытталары айтылат.

«Кыргыз темир жолу» айдоочуларга кайрылып, каттамды алдын ала пландоого чакырат.