20дан ашык кыргызстандык Израилден чыгып кетүүнү пландап жатканын ТИМ билдирди

Ведомство күнү-түнү иштеген “ишеним телефону” жана Израилдеги Кыргызстандын жарандарына көмөк көрсөтүү боюнча Ыкчам штаб түзүлгөнүн эске салды.   

“Элчилик Израилде жашаган Кыргызстандын жарандарына телефон чалып, актуалдуу тизме түзүүдө. Учурда тизмеде 90дон ашуун адам бар, алардын ичинен 20дан ашыгы Израилден чыгып кетүүнү пландап жатат. Аларды аталган өлкөдөн сыртка алып чыгуу мүмкүнчүлүгү иштелип жатат”, — деп айтылат маалыматта.