Бүгүн президенттин төрагалыгы астында виртуалдык активдер боюнча улуттук кеңештин жыйыны өтөт

Бүгүн президент Садыр Жапаровдун төрагалыгы алдында Виртуалдык активдер жана блокчейн-технологиялар тармагын өнүктүрүү боюнча улуттук кеңештин жыйыны өтөт.

Бул тууралуу президенттин басма сөз катчысы Аскат Алагөзов социалдык тармактагы баракчасына жазды.

Анын маалыматына караганда, иш-чарага ошондой эле Binance криптовалюта платформасынын негиздөөчүсү Чанпэн Чжао катышат.

Түз эфир УТРКнын жана башка республикалык телеканалдардын эфиринде, ошондой эле социалдык тармактардагы баракчаларда көрсөтүлөт.

Башталышы — саат 11:00.