«Дордой» базарындагылар митингге чыкты, алар Акылбек Жапаровдун келишин талап кылууда

Соодагерлер бийликтин салык саясатына нааразы.  Алар 1-январдан тарта жоюла турган патент системасы менен иштөөнү улантууну талап кылышууда. 

Митингге чыккандардын кээ бири контейнердин ижара акысын төлөй албай жатканын айтып, бийлик сунуштап жаткан өзгөчө зонадагы салыктык режим аларга туура келбей турганын белгилешүүдө.

Алар министрлер кабинетинин төрагасы Акылбек Жапаровдун келишин талап кылышууда.