Америкалык белгилүү журналист Такер Карлсон жакында Владимир Путин менен маектешерин айтты

Журналист X соцтармагындагы баракчасына «Дүйнөнү өзгөрткөн согуштун башталганына эки жыл болсо да америкалыктардын көбү бул тууралуу кабардар эмес. Алардын бул аймакта — Россияда жана мындан 600 миля аралыкта жайгашкан Украинада эмне болуп жатканы тууралуу эч кандай түшүнүгү жок» деп жазган.

Карлсон Байдендин администрациясы Россия лидери менен маектешүүгө эки жолу тоскоолдук кылганын кошумчалады.