Депутат Эмил Жамгырчиев шектелген иште кылмыштын бар-жогун иликтеген комиссия кесиптешин жоопко тартууга макулдук берди. Бул туурасында маалымат булактар билдирди.
Мындай чечимди депутаттык комиссия бүгүнкү жыйынында кабыл алган. Эми алардын корутундусу жалпы депутаттардын кароосуна киргизилет.
Жаңы жылдын алдында башкы прокурор Курманкул Зулушев парламенттен Жамгырчиевди жоопко тартууга макулдук сураган. Эл өкүлү Кылмыш-жаза кодексинин 378-беренеси («Мамлекеттик чек арадан мыйзамсыз өтүү») боюнча айыпталууда. Бул ишти иликтөө үчүн комиссия түзүлүп, ар бир фракциядан бирден депутат кирген.
