Эртең Ысык-Көл менен Нарында сел жүрүшү ыктымал

Эртең, 8-августта, Ысык-Көл менен Нарындын тоолуу райондорунда сел жүрүшү мүмкүн. Бул тууралуу ӨКМден билдиришти.

Маалыматка караганда, нөшөрлүү жаан-чачынга байланыштуу дарыяларда суунун деңгээли көтөрүлөт. Бул күндөрү тоолуу аймактарда эс алуудан баш тартып, коопсуз жайларда болуу сунушталды.

«Кандайдыр бир кырдаалга кабылсаңыз дароо 112 кызматына кабарлаңыз», — деди министрлик.

Чалуу акысыз жана күнү-түнү кабыл алынат.