«Кой-Таш» эс алуу борбору тараптан сууга агып кеткен 24 жаштагы жигиттин сөөгү табылды

Кечээ, 3-августта Аламүдүн районуна караштуу Кой-Таш айылы «Кой-Таш» эс алуу борборунун жанында сууга агып кеткен 24 жаштагы баланын жансыз денеси табылды. Бул тууралуу ӨКМ билдирди.

Сууга аккан жаранды издөөгө Аламүдүн райондук ӨКБдан 3 куткаруучу тартылып, саат 18:05те кырсык катталган жерге чыгып кетишкен.

Агымы шар Аламүдүн суусуна агып кеткен А.М. аттуу 24 жаштагы жигиттин сөөгүн саат 20:26да куткаруучулар алып чыгып, ИИМ кызматкерлерине өткөрүп беришкен.