Төө-Ашуудагы тоннель маал-маалы менен жабылып турат. Графиги

29-июлдан 7-августка чейин Төө-Ашуудагы Көлбаев атындагы тоннель маал-маалы менен жабылып турат. Бул тууралуу Транспорт жана коммуникация министрлигинин маалымат кызматы кабарлады.

Бул аралыкта тоннелде күз-кыш мезгилдерине байланыштуу оңдоо-калыбына келтирүү иштери жүрмөкчү. Мындан улам автоунаалар ары-бери каттаган учурда чектөө кирип турат.

Тоннелди жабуу графиги:

Эртең мененки саат 4:00дөн 6:00гө чейин;

саат 08:00дөн 10:00гө чейин;

саат 12:00дөн 14:00гө чейин.

Калган убакта тоннель ачык болору айтылды.

Министрликтен келтирген ыңгайсыздык үчүн айдоочулардан кечирим сурап, абалды түшүнүү менен кабыл алууну өтүнүштү.