Бишкектин Ахунбаев көчөсүндө тротуарды оңдоо иштери жүрүүдө

Бишкекте жолдорду жана тротуарларды капиталдык оңдоо иштерин улантууда.

Муниципалитеттен билдиришкендей, учурда Ахунбаев көчөсүндөгү тротуарды Айтматов проспектисинен Бакаев көчөсүнө чейин капиталдык оңдоо иштери башталды.

Жолдун түштүк тарабында эски асфальты сыйрылып, ирригациялык системасын орнотуу иштери аяктап, бордюрларды орнотуу иштери улантылып жатат.

Ошондой эле жолдун түндүк тарабында эски асфальты сыйрылып, бордюрларды орнотуу иштери жүргүзүлүүдө.