Кой жүнүнөн жасалган жер семирткичтин натыйжалуулугу изилденүүдө

Айыл чарба министрлигинин тиешелүү структуралары аны Сокулуктагы 4 гектар жерде сынап жатат.

Тажрыйбада кой жүнүнөн жасалган жер семирткич үч түрдүү доза менен (600 кг/га, 500 кг/га жана 400 кг/га) күздүк буудайдын 5 сортуна жана күздүк арпанын 4 сортуна себилди.

Эксперименттин негизги максаты — экологиялык таза жер семирткичтин таасирин изилдеп, түшүмдүүлүктү жогорулатуудагы натыйжалуулугун аныктоо. Сугат башталгандан түшүм бергенге чейин фенологиялык байкоолор жүргүзүлүп, алынган маалыматтар талданат.