Садыр Жапаров ЖККУнун баш катчысы Имангали Тасмагамбетовду кабыл алды

Алар аймактык коопсуздукту, кызматташтыкты талкуулашкан. 

Өлкө башчы Кыргызстан ЖККУга төрагалык кылып турган кезде белгилеген артыкчылыктуу багыттар жамааттык коопсуздук системасын өркүндөтүүгө жардам берерине ишенерин билдирди. 

Ал эми Тасмагамбетов Кыргызстандын жетекчилигине уюмдун алкагындагы активдүү позициясы үчүн ыраазычылык билдирип, алдыга коюлган демилгелер жамааттык коопсуздукту чыңдоого жана ЖККУга мүчө-мамлекеттердин өз ара кызматташуусунун натыйжалуулугун арттырууга өбөлгө болорун белгиледи.