Окуучулар жыл сайын кийинки класска көчүп жатканда кыргыз тилинен экзамен тапшырат

Бул туурасында Мамлекеттик тил жана тил саясаты улуттук комиссиянын төрагасынын орун басары Жылдыз Орозобекова билдирди. 

Бул 1-класстан баштап 11-класстын окуучуларына чейин тиешелүү.

Орозобекова “Мамлекеттик тил жөнүндө” мыйзамдын 17-беренесине таянып,  милдеттүү түрдө кыргыз тили боюнча жазуу жана оозеки жүзүндөгү көчүрүү (класстан класска), бүтүрүү экзамендери киргизилерин айтты. 

Мындай норма эски мыйзамда дагы болгону менен көпчүлүк учурда аткарылбай келген.