Ырчы Дайыр Исмадияров: Ооруп атам, коронавирус эмеспи деп жаман ойлор келет экен

Эстрада ырчысы Дайыр Исмадияров жыл сайын эле грипп болоорун, бирок бул ирет “коронавирус эмесминби?” деп шектенип жатканын Инстаграмм баракчасына жазып чыкты:

“Жыл сайын жай мезгилинде бир жолу грипп болбосом болбойт. Сөзсүз ооруйм.
Сиз да ооруйсузбу жайында? Кечээ күнү дене табым көтөрүлүп, алым куруп, бүт денем ооруп баштады. Болду-болбоду грипп болуп калыпмын деп үйдө болгон дарылардын баарын ичтим да тердеп уктап калдым. Бүгүн кичине түзүкмүн. Жаман ойлор келет экен балээ болгон коронавирус эмеспи деп. Сурайын дегеним ким ошол жаман оорунун белгилерин билет? Же коркконго кош көрүнөт болуп атамбы?”